Kanpetlet peng chung khuate pathum ah SAC nih vanlawng in in bomb a thlak caah ngakchia tel in khuami pathum hma an pu tiah theih a si.
April 17, chun hnu sml. 2:00 hrawng ah Kanpetlet peng, Auk Kant khuate komh ah kahdohnak a um i cu tlawmpal ah SAC nih vanlawng in bomb a thlak hna.
SAC ralkap vanlawng nih Ung khua ah pound 500 bomb pahnih a thlak, Luisung khua cu machine gun in a kah hna i Kohsaung khua ah bomb an thlak tiah theih a si.
SAC nih Vanlawng in kahdohnak a tuah ruang ah sianginn le inn a rawk mi zong an um i khuami hna cu ramlak ah raal an zaam tiah theih a si.
Photo: Û Kwëë Pãíñg
