Kanpetlet khua chung ah SAC ralhraang hmunkhuarnak hmun li cu CDF-Kanpetlet nih October 20 ah an kah hna i SAC ralkap pahnih an thi tiah CDF-Kanpetlet nih nihin ah a thanh.
SAC ralkap pawl nih umhmun an khuarnak a si mi GAD Zung, Taanghra Sianginn, Yanaung Pura le Peng Fimcawnank lei Zung hna cu CDF-Kanpetlet nih phu nga ah i then in hma khat te ah zinglei suimilaam 6:00 in 11:00 tiang an va kah hna tiah theih a si.
Cu kahdohnak ah cun SAC ralkap pahnih an thi i hma a pu mi zong an um, CDF-Kanpetlet lei hma pu um lo tein hnulei kan kir kho ti zong an langhter.
Kanpetlet khua chung ah zei tik caan poh ah kahdohnak a um khawh caah, mizapi nih SAC ralkap pawl umnak pawngkam ah um lo ding zong cathanh ah an langhter.
Photo: CDF-Kanpetlet
