AA ruang ah Kanpetlet peng chung ah a cangmi a hnuzul thil pawl kong ah AA a sawmtu hna nih ṭuanvo an laak lai, tiah Kanpetlet peng mizapi min in July 24 ah cathanh an chuah.
SAC ralkap nih uknak a laak ruang ah Kanpetlet mizapi zong nih CDM cawlcanghnak le hriamtlai in lungkhat thinkhat in kan doh lio ah mizapi duhnak tel lo in micheukhat nih AA an i sawm hna i kan ram ah an rak luhpi hna, tiah cathanh ah an langhter.
Kanpetlet peng chung ah AA luhpi kong ah ṭuanvo a ngeitu hna cu U Tun Ling Thang, U Mana Naing, U Than Swe, U Tun Hung le U Thang Naing an si, tiah an ti.
A cunglei minung panga nih AA an rak i luhpi hnu in Kanpetlet peng chung ah hramhram in ralkap tlakternak le tangka halnak tibantuk pawl khuate cheukhat an an tuah caah Kanpetlet mizapi nih harnak an tong, tiah an ṭial.
Cucaah, hi hnu Kanpetlet peng chung ah a chuakmi a hnuzul buaibainak pawl kong ah AA a sawmtu minung panga hna i techin fapar chan tiang an tuar ve lai, tiah an langhter.
