Sagaing ramthen, Kani peng NUG Fimcawnnak lei tuanvo ngeitu a si mi U Win Htay le a chungkhar minung pahnih cu Tapone khuate an inn ah, November 4 ah thahnawn an tong tiah theih a si.
“Naam hma in an thih mi hmuh a si. An chungkhar ning in tuksuum in an thah hna,” tiah tiah Kani Peng PDF nih Mizzima ah an chim.
Kani Peng, NUG Fimcawnnak lei hruaitu a si mi U Win Htay, a nupi le thla thum lawng a si rih mi an fanu te cu naam hma tampi he an thi tiah an chim.
U Win Htay le a chungkhar thahnawn an tonnak kong ah bia fiang a um rih lo i, an hlat cuahmah tiah kan theih.
October 19 lio zong ah, Kani peng, Chaungma (Nitlaklei) khua ah kum 32 nu pakhat mi kut in a thi i, atu tiang a thattu an tlai kho rih lo tiah theih a si.
Photo: Thah a tong mi Kani Peng NUG Fimcawnnak Tuanvo ngeitu U Win Htay
