Sagaing ramthen, Kani peng, Monywa-Yagyi-Kalaywa lam ah SAC ralhraang 30 hrawng nih an hngah mi tower tung umnak tlangbo SAC camp cu Yinmarbin pengkomh PDF B-2 le Kani PDF nih an laak khawh tiah NUG Runvennak Minister Zung nih tu zaan ah a thanh.
Kahdohnak ah SAC ralkap pakhat a thi i 11 hma an pu, rammi ralkap pathum nih ram le miphun ca ah an nunnak an pek tiah an tial.
Camp laak kahdohnak ah SAC ralkap meithal zun khat, zenthong 2500 leng, bomb 107, equipment pakhat, kuan bawm pahnih, mine 16, Inaga bomb pali le raal thilri pawl an laak khawh tiah cathanh ah an langhter
Hmanthlak: MoD
