Sagaing ramthen, Kani peng ah ralhraang riahcaw a phur tu cawleng 6 cu KLG PDF nih an kah hna i SAC ralhraang 5 an thi tiah KLG PDF tuanvo ngei pakhat nih a chim.
February 14 zinglei suimilaam 8:00 tluk ah Kani khua in Ahlelkyun Pyu Saw Htee khua lei ah riahcaw a phur mi Council ralhraang, Pyu Saw Htee 50 tluk le cawleng 6 cu Kani khua chuah ah KLG PDF nih bomb, hriam pi le hriam hme he an kah hna. Kaphnih kahdohnak a chuak i ralhraang lei panga an thi tiah theih a si.
‘‘Kahdohnak cu suimilaam pakhat a rau. Bomh pahnih, hriam pi le hriam hme he kan kah hna. Ralkap 5 nak tlawm lo an thi i cawleng 2 rawk lak in kan kah khawh” tiah KLG PDF tuan vo ngei pakhat nih a chim. Ref. Khit Thit Media
