Khampat khua pawng i Kanan khua vanlawng in bomb thlaknak kong he pehtlai in tuanvo a ngeitu pawl dantat khawh ding in kan tawlrel lai, tiah NUG nih theihternak a tuah.
Kanan khua vanlawng bomb thlaknak ah ngakchia pakua telh in minung 17 an nunnak a liam i, vanlawng bomb a thlatu (pilot) le nawl a petu pawl dantat an si nakhnga tawlrel ding in NUG nih theihternak a tuah hi a si.
January 7, Zarhpi Ni zing pumh lio ah SAC nih Kanan khua cu vanlawng in bomb a thlak i, khuami 17 an nunnak a liam pin ah a dang minung 19 hliamhma an pu.
SAC ralkap nih ASEAN hnatlaknak le UN biachahnak No. 2669 zul loin atu bantuk in Myanmar rammi cung ah thahnawnnak pehzul in a tuah caah December 31, 2023 tiang ah ngakchia 627 le nu 1,017 an nunnak a liam cang.
Cucaah, vawleicung biaceih zung le ram kip biaceih zung pawl ah SAC ralkap cu tazacuai khawh ding in kan i zuam lai, tiah NUG nih a langhter.
