KAN KONGLAM

Tinh mi

Kan i tinh mi cu: Ramchung ramleng Chinmi sin tualchung le tualleng thawng zamh, ramchung ramleng Chinmi pehtlaihtertu, Chin caholh le nunphung kilven le Chinram ca ah Democracy Innkil Tung Palinak (Thawngzamh) dirhmun an si.

 

A dirhmun

Chin ramkulh khualipi Hakha hrambunh mi Chin thawngzamh a si. 2014 January 14 ah rak thawk a si. Cozah le Biaknak zei phu hruainak le nawlngeihnak tang hmanh ah a um lo i, a za a long mi thawngzamh a si. Ramkomh Cozah nih 2014 ah phungluhnak (Reg.00138) a kan pek. Chin Ramkulh Cozah riantuannak kha thawngzamh dirhmun in fianghlang le raltha tein kan rak tial ca ah Chin Ramkulh Cozah nih 2014 ah thla hnih chung a rak phih bal.

Ralkap nih Myanmar ram nawlngeihnak hramhram in a laak hnu 2021 April 3 ah Ralkap Council hriamtlai hna nih hriamnam he a kan luhhnawh i computer, thilri le file pawl an laak. Riantuantu cu kan zaam manh ca ah kan him nain tlaih dingin warrant chuah kan si. 

 

Zuarzamhnak

Thawngzamhca zarh khat ah voi nga, chuah fatin tlaap 1600-2000 kar kan chuah (2021 March thla tiang). Biapi zurzamhnak cu: Hakha, Thantlang, Falam, Kalay, Matupi an si. Matupi le Kalay ah reprint (a hmun ah nam) in kan chuah.

 

Kawlca

2017 May thla thawk in 2019 tiang nifatin tualchung thawng kha Kawl holh in kan leh i zarh khat voi khat in kan rak chuah.

 

TV rian

2016 in Hakha, Thantlang, Falam, Kalay i Local cable TV a tuah mi hna sin ah siseh, Youtube le Facebook in siseh ni fatin Hakhanet TV program kan thlah.

 

Online

2013 in Facebook, 2017 in Website le YouTube ah thawng kan thlah.

 

Rian dang

The Hakha Post nih 2016 in The Hakha Post Awards, 2017 in Miss The Hakha Post, 2017 in The Hakha Post Paih Championship le rang cit zuamnak hna Chin miphun huap in kan tuah.

 

 Pehtlaihnak:       

Phone                         : +918798403209

Email                           : [email protected]

Facebook Page           : www.facebook.com/thehakhapost

********************************************