Kalay khuachung ah Council ralhraang pawl nih umhmun an khuarnak Irragation Department Zung tel in ralhraang umnak hmun nga cu rammi ralkap pawl nih an kah tiah kan theih.
Kalay khuachung Irragation Department Zung, Myosi Palek Sakhan, Kalay Thlanglei ah ralhraang nih umhmun an khuarnak Yangyiaung, Kyantha le Innkyun khuate Sakhan pawl cu tu zing suimilaam 1:00 hlan in 1:15 tiang hma khat te ah an kah hna.
Cu kahdohnak cu LDF-Kalay, PDF-Kalay le Urban Guerrilla Force-Kalay nih an tuah mi a si.
Cu kahdohnak ah cun LDF-Kalay nih an serchuah mi hriamnam ngan pawl an hman hna. Ralhraang lei in a thi mi zat belte theih a si rih lo tiah kan theih.
