Kalaymyo BEHS No.8 ah Quarantine chiah mi minung pahnih an zaam tiah June 1 ah kan theih.
Hi kong he pehtlai in Kalaymyo Sanmyo sanguk bawi Pu Tawk Za Lian nih, “Tuluk in a rak tlung mi minung 23 an si. Anmah lak i nu pahnih cu Falam Quarantine Center ah kan kuat hna hlan ah an zaam. Motor cung ah kan chuan hna hlan ah an zaam i zan lawng ah kan hmuh hna. Mino le Palek he kan kawl hna i kan hmuh cang hna. Ziah nan tlik kan ti hna i thil ei awk kan va caw taa an kan ti ca ah dantat awk zong an tha lo. Zan suimilaam 9 ah Falam Quarantine Center ah kan kuat khawh cang hna. Atu ahcun Falam an phan cang,” tiah The Hakha Post ah a chim.
Kalaymyo ah COVID-19 zawtnak a ngei mi an um ti lo nain Cozah nih ralrin ding, Mask i huh peng ding le mitam pi umnak ah um lo ding in a thanh.
Photo/ Internet
