2025 January 27 thawk in February 2 karlak ah SAC nih ralkap tlakter ding in Kalaymyo ah mino 30 hrawng an tlaih cang hna, tiah theih a si.
Tualchungmi pakhat nih, “Mino an hmuh mi poh an tlaih ko hna. Inn karlak lam tiang an cul dih. Aung Mingalar le Thazin lei zong ah an hngah. Nu he pa he tlaih dih an timh hna tiin thawngpang a len caah leng zong chuah ngam a si lo,” tiah Zalen ah a chim.
Ralkap tlak ding in tlaih a tong mi pawl cu Kalaymyo peng, Sakhaankyi khua pawng i No. 10 ralkap training sianginn ah an kuat hna, tiah tualchungmi nih an chim.
Atu bantuk in Kalaymyo ah SAC nih tlaihkhihnak an tuah caah zaanlei sang ah mi choklet an tlawm i dawr zong tuan te in an khar hna, tiah theih a si.
