Kalay University ah umhmun a khuar mi SAC ralhraang pawl kan kah hna i pakhat thi, panga hliam hma he an zaam tiah CDF CDM (Siyin) nih nihin ah an thanh.
Cu kahdohnak cu tu zing suimilaam 5:00 hrawng ah a si i kap hnih kar kahdohnak ah hriamnam le kuanzen cheukhat kan laak khawh ti zong an thanh.
“Pakhat a thi i panga an hma he an zaam,” tiah CDF CDM (Siyin) in tuahvo ngeitu nih a chim.
Kalaymyo Chaklei ah kahdohnak fakpi a um i, SAC ralkap pawl an cawlcangh mi lehrulnak ah kahdohnak kan tuah mi a si tiah an chim.
Sagaing ramthen, Kalaymyo Chaklei ah SAC ralhraang le tualchung rammi ralkap pawl cu March 28 thawk in fakpi in an i kap i SAC ralhraang nih vanlawng lei luantuk tiang hmang in kahdohnak a tuah.
