Kalay peng chung SAC ralkap an cawlcanghnak hmun 3 cu dohthlengtu ralkap bu fonh nih ni 4 chung Drone in bomb a thlak hna caah SAC ralkap 8 an thi, tiah Winds of Kalay nih thawng a thanh.
Kalay GTC ah hmun a khuar mi SAC ralkap pawl cu March 1 ah khan dohthlengtu ralkap pawl nih Drone in bomb voi 3 an thlak hna.
March 2 ah Kalay thlanglei, Htuma le Thayarkone khua karlak ah raal lam a sial mi SAC ralkap pawl zong Drone in voi 8 bomb an thlak hna.
Cun, March 5 le 6 ah Kalay thlanglei, Hmamdaw lei ah raal lam a sial mi SAC ralkap pawl cu dohthlengtu ralkap pawl nih Drone in bomb voi 10 an thlak chap hna.
Ni 4 chung Drone in bomb voi 21 an thlak hna i cu chung ah cun SAC ralkap 8 an thi i, hliamhma a pu mi zong an tampi tiah Winds of Kalay nih a langhter.
Hi operaton ah hin Kalay-PDF Drone Team (Wings of Kalay), Kalay Revolution Force (KRF), Chin Secret Service (CSS), CNDF le CDF-KKG an i tel, tiah theih a si.
