Sagaing ramthen, Kalay peng ah a um mi Yan Gyi Aung SAC ralkap camp cu rammi rungvengtu ralkap phu komh nih November 21 in 23 tiang an kah hnu ah an laak khawh i, cuka ah an laak mi raal hriamnam hna cu NUG Runvennak Minister Zung nih nihin, November 28 ah a langhter.
Cu kahdohnak ah cun SAC ralhraang 16 an thi, 17 a nung in an tlaih hna. Rammi rungvengtu ralkap phu komh lei in pakhat nunnak a liam i pariat hma an pu tiah theih a si.
Yan Gyi Aung SAC camp laak kahdohnak ah rammi ralkap phu komh nih G-3 zun 9, MA-1 zun 10, MA-3 zun 5, MA-4 zun 2, MA-5 zun 2, RPG zun 1, 81 MM mortar zun 1, Anti-Drone Gun zun 1, Shotgun zun 6, 5.56 zenthong 9547, 7.62 zenthong 3546, MA-1 Carbine zenthong 980, RPG bomb thei 14, 81 MM bomb thei 6, kuan bawm 75, mine 21, kut cheh bomb 105, Inaga bomb 61, RPG kahnak zen 12, 40 MM bomb thei 100, motor pathum motorcycle pahnih le thilri tampi an laak tiah theih a si.
Cu kahdohnak cu CDF-KKG, CNDF, Kalay pengkomh PDF B-2, B-4, B-5, B-6, Kalay peng PDF, Pengkomh drone team, SR-4 le RKDF i bawm in tuah mi a si tiah NUG Runvennak Minister Zung nih a langhter.
