Sagaing Ramthen Kalaymyo Peng in thimnak ah aa zuam ding United Democratic (UDP) party palai ding minung 5 cu, June 26 ah fehter an si cang tiah kan theih.
Kalay Peng UDP party in aa zuam ding mi palai minung panga hna cu; Pyithu Hluttaw in, Pu Hun Thang. Amyotha Hluttaw in, U Htun Shwe. Taing Detah Kyi (No. 1) in Daw Thi Ta Oo. Taing Detah Kyi (No. 2) in Daw Kyin Gu Lwen. Chin Affiars Minister in Daw Kan Shin Ngiong hna an si.
“Kan party UDP hi a ngakchia rih an kan ti. A si lo, kum 2010 lio ahkhan dirh cang mi party a si. Tukum 2020 thimnak ah hin cun teinak kan hmuh ka zumh. Myanmar ram pumpi ah palai 100 ah minung 70 kan ngei. Sagaing Ramthen zong ah palai 7 kan ngei lai. Kalay Peng ah palai thutdanh 5 kan ngei i kan lak dih lai,” tiin Peng 3 komh UDP President Pu Huan Thang nih The Hakha Post ah a chim.
UDP party hi, cu hlan thimnak ahcun hmunrawn Myanmar miphun le hmun dangdang ah an i zuam cang nain, tukum 2020 thim nakding ah hin Kalay Peng le, Chin Ramkulh Hakha Peng ah zuam an i tim tiah kan theih.
