Kalaymyo in Zinkalin khua lei ah rallam sial in a ra mi SAC ralkap le rammi ralkap phu komh kar kahdohnak a chuak i SAC ralkap 15 an thi, tampi hma an pu tiah CNDF/Vakok battalion nih a thanh.
Nihin 2023 May 27, zinglei suimilaam 5:00 in 6:30 tiang Kalaymyo Thlanglei Zinkalin khua le Paukkhung khuate kar ah kahdohnak cu a cang mi a si. Cu kahdohnak cu CNDF (Vakok Battalion), PDF-Kalay mine lei ralkap phu le LDF i bawm in SAC ralkap an kah mi hna a si tiah kan theih.
Cu kahdohnak ah cun SAC ralkap 15 hmun ril in an thi i tampi hma an pu, CNDF (Vakok Battalion) le ttangtti phu lei cu hmapu um lo tein hnulei ah an kir kho tiah cathanh ah an langhter.
