Sagaing ramthen, Kalay peng, Phulmawi khua ah sianginn honnak kongkau meeting an tuah lio ah Ralhraang Council helicopter nih a rak kah hna caah khuami pakhat a thi i tampi hma an pu tiah CNO Upper Chindwin Region – UCR nih a thanh.
Nihin June 5, zinglei suimilaam 10:30 ah Phulmawi khua ah sianginn hon ding in peng dot NUG tuanvo ngeitu hna, khuanu/pa hna le kiangkap khuami hna meeting an tuah lio ah SAC helicopter nih cun a kah hna.
Helicopter nih minute panga a kah hna i khuami pakhat a thi, pali hma an pu tiah theih a si.
“SAC sin ah thawng a petu an um caah a rak kah mi a si,” tiah CNO/CNDF Upper Chindwin Region in tuanvo ngeitu nih a chim.
SAC ralhraang nih Letpanchaung khua zong miakpi in an kah caah khuami cheukhat hma an pu tiah theih a si.
