Sagaing ramthen, Kalay peng Chaklei ah rammi ralkap le SAC kar kahdohnak a faak i SAC nih Mi-35 helicopter in kahdohnak a tuah tiah theih a si.
Nihin Marh 16, Zinglei sml. 3:00 hrawng in Setawoo, Kyaungtaik le Pyinkhunglay kiangkap ah kahdohnak a faak i SAC ralkap kah mi miakpi ruang ah Nanchaung khua ah inn pakhat a rawk tiah theih a si.
“SAC ralkap lei nih Setawoo le Kyaungtike khua in miakpi voi tampi an kah. Mi-35 helicopter zong in SAC nih kahdohnak a tuah,” tiah tualchung mi pakhat nih a chim.
Kalay khua chung SAC ralkap zong nih miakpi voi 30 leng an kah tiah theih a si. a luancia March 14 zong ah SAC kah mi miakpi ruang ah Kalay peng, Letpanchaung khuami pahnih an thi i, ngakchia tel in paruk hma an rak pu.
