Kalay peng, Pyidawtha khuami Chin mino pakhat cu SAC ralkap nih an tlaih hnu ah an thah, tiah thawng kan theih.
January 14 ah khan Pyidawtha in Kalay lei ah a kal mi SAC ralkap pawl nih Pyidawtha khuami Pau Lian Tuang (kum 19) cu lampi ah an tlaih i, Kalay lei ah an kalpi.
Cu caan thawk cun chungkhar nih a kong a hlat lengmang. SAC ralkap nih an thah i, a ruak zong an khanghnak kong cu nihin January 22 ah chungkhar nih an theih.
“A ruak a um ti lo. SAC ralkap nih an khangh cang. An khanghnak vutcaam zong lak khawh a si lo,” tiah khuami pakhat nih Chinlung Today ah a chim.
SAC ralkap nih Myanmar ram uknak an lak thawk in nihin ni tiang ah Kalay peng chung ah sualnak ngei lo rammi 250 hrawng thah an tong cang, tiah theih a si.
