Kalay in a chuak mi Tint-Taing-Aung motor line in khualtlawng phortu bus pakhat cu Khin-U peng ah bomb rap nih a puah i minung pasarih hma an pu tiah tualchung mi hna sin in kan theih.
Cu motor cu June 27 ah Kalaymyo in Yangon lei kal ding ah aa thawh i Khin-U peng, Myitkyina-Shwebo lam cung, Htanaungkaing khuate lamtonnak a phanh ah bomb rap nih a puah hi a si.
Bomb puah ruang ah hma a pu mi hna cu Kalay khuami deuh an si i kum 6 ngakchia pakhat, kum 20 in 40 kar nu pathum le pa pathum, an dihlak ah pasarih an si. Shwebo sii-innpi ah an thlop hna hnu ah Yangon khua ah va i thlop ding in cu motor thiamthiam cun Yangon lei ah an lan tiah kan theih.
