2023 March 7 ah Sagaing Ramthen, Kalay in Laitlang lei ah ralkap 200 leng he a rak panh mi SAC hraang hna cu Chinland ralkap hna nih thla hnih deng an kah cang hna i atu tiang Hakha ah lan kho loin Chuncung khuachung le khua pawngkam ah zarh hnih deng an taap cang tiah theih a si.
Tutan Kalay in Hakha lei a rak kai mi SAC ralhrang le Chinland ralkap hna kar kahdohnak ahhin CNA ralkap 6 le CDF Hakha ralkap pakhat nih ram ca ah an nunnak a pek.
Cun, tutan ah a rak kai mi SAC ralhrang hna hi an minung cheu thum cheu hnih cu Chinland ralkap hna kut in an thih, hma an put lawng siloin an thil phortu motor pawl le an raltuknak tank (Armour vehicle) pahnih tiang hrawhpiak dih an si.
Atu Chuncung khua chung le khua pawngkam ah a taap mi SAC ralhraang pawl cu Hakha lei an lan rih lo. Nifatin in Chinland ralkap CNA le CDF phu komh nih an kah hna i tu zan zong ah kahdohnak fakpi a um tiah thawng kan theih.
Photo: Chin ralkap nih an hrawh mi SAC armoured vehicle
