Sagaing ramthen, Kalaymyo in SAC palek pahnih cu March 24 ah hriamnam kuanzen he Chinland Defense Force – Kalay Kabaw Gangaw (CDF-KKG) sin ah an i ap tiah CDF-KKG nih nihin ah a thanh.
Cu palek pahnih nih cun G3 meithal zun 2, kuan bawm 8 le zenthong 470 an rak i ken tiah theih a si.
Hriamnam he a rak i ap mi palek pahnih cu laksawng tangka Kyats sing 50 kan pek hnan hnu ah himnak hmun ah kan thlah cang hna ti zong CDF-KKG thawngthanhnak ah an langhter.
Photo: CDF-KKG
