Atu lio Falam khua chung kahdohnak ruang ah nihin November 13 thawk in khualtlawng motor ngan siseh, motor hme siseh, khua chung tan in tlunkal kan khap tiah Falam Regional Committee nih zapi theihternak a tuah.
Falam khua chung SAC ralkap hna le Chin Brotherhood kar kahdohnak a fah lio a si caah atu bantuk in motor tlungkal an kham chung hi a si i, tlunkal khawh a si ṭhan tikah kan in thanh ṭhan hna lai ti zong thawngthanhnak ah an langhter.
“Operation CB” min in Chin Brotherhood nih Falam le Mindat khua ah a um mi SAC ralkap hna cu November 9 thawk in an doh cuahmah hna, kahdohnak a faak ngaingai tiah Chin Brotherhood nih nihin November 13 ah an thanh.
