Chin Ramkulh Tonzaang, Thantlang le Paletwa telh in Sagaing Ramthen hmun cheukhat le Rakhine ram, Kachin ram pawl ah Khaubok bu an tla kho i, an tlak/phak sual a si ahcun loram ah cin mi thlairawl pawl an hrawh dih khawh mi a si, tiah Ramkomh Ngandamnak Zung nih mizapi sin ah theihternak a tuah.
Rakhine ram Maungdaw Peng, Butidaung Peng, Ratthedaung Peng, Sittwe Peng, Kyaukphyu Peng le Sagaing Ramthen Leshi Peng, Humalin Peng, Tamu Peng le Kachin ram Putaoo Peng, Machiantha Oo Peng pawl ah an phan kho men, tiah a thanh.
Hi khaubok pawl hi Africa ram in India ram lei ah a lut mi an si. Hi khaubok an umtuning hi zoh tik ah an ratnak ramri lei hoih in an kal. India ram le Myanmar ram hi aa naih ngai mi a si ca ah ruahlopi in an kan phak kho men. Khaubok nih an kan phak i kan thlairawl pawl an ei, an hrawh dih a si ahcun Ramkomh Ngandamnak Zung ah thawng rak kan thanh uh tiah cathanh an chuah.
Hi Khaubok hna hi thla thum in thla nga kar tluk a upa cang mi an si i, ni khat ah kilometers 50 in 100 (meng 31-62) thli lak ah an zuang kho.
