Uknak chuttu Ralhraang Council nih rammi inn thong sawmruk leng mei in an khangh cang tiah Data For Myanmar nih nizan ah an thanh.
Cu cazin cu ralhraang nih uknak an laak hnu in 2023 February thla dih tiang khawmh mi a si i a taktak ah hi nakin a tam kho ti zong an langhter.
Ralhraang Council le a hnuzul phu pawl nih inn 60,459 an khangh cang. Sagaing ramthen ah inn tam bik an khangh i inn 47,778, a pahnihnak ah Magwe ramthen inn 9,019, a pathumnak ah Chin ramkulh a si i inn 1,485 an khangh tiah an langhter.
Hi cazin hi Data for Myanmar nih a khawmh mi a si i pehtlahnak har ruang ah a taktak ah cun hi nakin a tam kho tiah an thanh.
Hmanthlak: SAC ralhraang khangh mi Thantlang khua
Photo: TPAC
