India-Myanmar ramri, Sagaing ramthen, Tamu peng i a um mi Tamu PDF sakhan paruk cu November 15 ah ralhraang nih an nor hna ruangah kan zaam taak tiah Tamu-PDF nih an chim.
Ralhrang 500 tluk nih hmun li in an kan nam i 60mm, 120mm hriampi pin ah machine gun in an kan kah tiah Tamu-PDF tuanvo ngeitu pakhat nih RFA ah a chim.
“Hriampi in an kan kah hmasa. Cun ke zong in an rak kai i kan thazaang aa thlau caah kan kham kho ti lo. Sakhan zong kan zaam taak. Kanmah lei in tlaih a tong mi le a thi mi kan um lo nain thilri tampi cu kan kal taak” tiah a chim.
ABSDF, Tamu-PDF battalion-4, Pakapha, BSO (Burma Student Organization), FRT, CDM Police Fighter hna sakhan paruk cu an kan lakpiak tiah Tamu-PDF phu nih an chim.
Nizan Chun hnu ah Kalaymyo in ralhrang tank le motor pawl cu Tamu lei ah an kal kan hmuh tiah khuami nih an chim.
Ref. RFA Burmese
Photo. Thaung Yin Newsletter
