November 13 || The Hakha Post
India-Myanmar ramri, Falam peng chung ah a um mi Rihkhawdar khualu bo SAC ralkap camp le Tio ah a um mi SAC ralkap camp cu CNA, CDF-Hualngoram, CDF-Zanniatram, PDA le CDF-Thantlang Drone Team nih tlamtling tein an lak khawh cang, tiah thawng kan theih.
SAC ralhraang camp a pahnih ning in an lak mi kong he pehtlai in min langhter a duh lo mi CNA bawino pakhat nih a fehter i, Tio SAC ralkap camp in ralkap 30 leng zong India ram lei ah an rak zaam, tiah khuami hna sin in thawng kan theih.
Tio SAC ralkap camp in a zaam mi pawl cu Zokhawthar ah a um mi India palik sin ah an i ap tiah kan theih.
Nihin kahdohnak ah SAC nih Fighter Jet le Helicopter a hman hna i ralzaam minung pakhat a nunnak a liam pin ah khuami 20 hrawng zong hliamhma an pu tiah thawng kan theih.
