India – Myanmar ramri Moreh khua ah Meitei minung 2000 tluk nih nihin July 26 zinglei ah inn 30 hrawng an khaangh i, a dang inn 4 zong an hrawh tiah India Media hna nih an țial.
Hi minung thazaang 2,000 hrawng ahhin nu zong tampi an i tel i, Moreh bazaar cu zinglei suimilaam 10:00 hrawng ah an luhhnawh. Hi thil a can lio ahhin Security zong an um ko nain an zoh sawhsawh hna tiah an langhter.
Hi inn an khangh mi hna hi May 3 hnu ah zaam taak mi, hohmanh an um lo nak inn an si.
Moreh khua cu Kuki, Meitei, Tamil, Gorkhali, Bengali le a dang miphun tampi i cawh in an umnak ramri khua a si.
