India-Myanmar ramri hauhruang sernak rian cu meng 18 tiang kan tlamtlinh cang, tiah India Home Affairs Minister Amit Shah nih a chim.
Meng thongkhat leng a saumi India-Myanmar ramri ah hauhruang ser ding in India cozah nih timhtuahnak a ngei i, cu hauhruang sernak ah cun India cozah nih US Dollar 4 million dengmang a sengsen tiah theih a si.
Atu bantuk in ramri hauhruang sernak in ramri in rithaisii le hriamnam luhpinak a kham lai i, ramdang buaibainak zong India ramchung ah phak lo ding in a kham khawh lai, tiah Amit Shah nih a chim.
India ramchung i Mizoram, Nangaland, Manipur le Arunachal Pradesh ramkulh hna hi Myanmar he ramri aa tawngmi an si hna i, hi ramri pawl ah hin India cozah nih hauhruang ser ding in timhtuahnak a ngeih hi a si.
Mizoram le Chinram karlak ah zalong tein tlawnkai khawhnak FMR zong atu kum February thla ah khan India cozah nih a hrawh i, Rihkhawdar le Zokhawthar karlak chawlehthalnak gate zong July 25 ah khan India cozah lei nih a khar, tiah theih a si.
