Sagaing ramthen, Indaw peng, Peininn khua phungki inn pawng ah ralhrang nih meithal in an kah i an phum taak mi khuami minung pali ruak cu nihin December 20 ah hmuh a si tiah khua mi nih RFA ah an chim.
“Nizan ah rammi rungvengtu nih ralhmun an thianh lio ah Peininn khua phungki inn pawng ah phum mi ruak cu an hmuh hna. Meithal kah nak hma he an hmuh hna. Zei ruang ah ralhrang nih an thah hna ti theih a si lo,” tiah khuami nih an chim.
Peininn, Gyonegyonekya le Nyaung Kone khua pawng ah ralhrang le KIA, PDF fonh mi phu kar ah December 16 in December 18, nizan tiang kahdohnak a um.
Kahdohnak ruang ah pawngkam khua in khuami pawl an zaam lio ah atu i khuami pali hi tlaih in thah mi an si kho tiah khuami nih an chim.
Hmanthlak: Hmanthlak thing (Indaw Revolution-IR)
Ref. RFA Burmese
