Immanuel Baptist Church (IBC), Hakha nih CNA chungkhar bawmhnak Khrihfabu inn kip cabawm phawt a chuak mi tangka in a peek lai tiah theih a si.
“Hakha Baptist Association (HBA) nih thawng a kan thanh bantuk in CNA chungkhar bawmhnak ca ah Khrihfabu inn kip cabawm kan phawt hna. Hmai zarh February 4 ah cu cabawm cu Biakinn ah an rak chuahpi hna lai. Cu a chuak mi tangka cun CNA chungkhar bawmhnak cu kan peek lai,” tiah IBC Chairman nih The Hakha Post ah a chim.
CNA chungkhar bawmh nakding thawngthanhnak cu Hakha Baptist Association AGS Rev. Steven Soe Paing min in 2017 December 15 ah tial mi bawmh halnak thawngthanh ning in IBC nih tuah a timhnak a si.
