Matupi-Mindat lam lei ah ramlam a sial mi SAC ralkap IB-304 battalion nih February 2 ah Matupi peng, Chanpian-B khua inn dihlak deng an khangh tiah CDF-Matupi nih a thanh.
IB-304 in Matupi-Mindat lam ah rallam a sial mi SAC ralkap cu 200 hrawng an si i February 1 ah CDF-Matupi nih bomb an puah hna caah paruk cu hma faak ngai an pu. February 2 ah Chanpian-B khua inn dihlak deng in an khangh hnu ah SAC ralkap 100 hrawng cu Matupi khua lei ah an kir than i a taang mi 100 hrawng cu Chanpian-B ah an taang tiah an langhter.
Chanpian-B khua ah SAC ralkap 100 hrawng an taan rih caah CDF-Matupi he zeitik caan poh ah aa kap kho kan si i, Matupi-Mindat lam lei ah khual tlawng rih hlah uh, tiah CDF-Matupi nih thawng an thanh.
Photo: SAC ralkap pawl hmanthlak hlun a si.
