November 28 ah Shan ramkulh, Kokang hmunram, Konkyan hrambunh SAC Infantry battalion-125 nih an battalion ning in MNDAA sin ah hriamnam an chiah i cu IB-125 SAC camp in an laak mi hriamnam pawl hmanthlak cu nihin ah social media ah a hung lang.
November 28 ah Regional Operation Command (ROC)-Laukkai kuttang ah a um mi IB-125 battalion commander cu MNDAA he bia an i ruah hnu ah an battalion ning in hriamnam an rak chiah. Hriamnam a chia mi cu IB-125 lawng si lo in SAC palek, pyithusit, phu dang in SAC ralkap hna zong an i tel i an chungkhar pawl he ti in an dihlak minung 272 an si.
An langhter mi cazin ning ah cun hriam a chia mi cu; IB-125 in ralkap 93, Operations Command Headquarter-16 in ralkap 36, Operations Command Headquarter-12 in ralkap 14, palek 11, Operations ruahnak petu 5, pyithusit 27 ti in SAC kuttang hriamtlai 186 an si i an chungkhar minung 86 an si.
Hmanthlak chung ah hriam ngan he a hme he tam taktak hmuh khawh a si i, phung ning in thanhnak an tuah rih lo ca ah zeizat set a si tu cu fiang in theih a si rih lo.
