Kachin ramkulh, Hpakant peng, Hwayhka khuate ah a um mi SAC ralkap camp laak kahdohnak ah raltha taktak in ral a do ve mi nu ralkap Daw Chaw Suh cu Kachin Independent Army (KIA) hmunpi nih Sergeant rank (Sen thum) an pek tiah tualchung media nih an tial.
Daw Chaw Suh cu fa panga a ngei mi nu tling, nusal tha taktak a si i, dohthlennak ah biatak tein ral a tu mi a si. Sergeant Chaw Suh i a Kachin min cu Ja Maw Khawng Shan a si tiah 7Stars News nih a tial.
Sergeant Chaw Suh cu Hwayhka SAC ralkap camp laak kahdohnak ah raltha taktak in a dongh tiang raal a doh ve caah KIA hmunpi, ralkap rank peknak zung nih direct in a rank an kaiter colhnak a si tiah kan theih.
Hwayhka SAC ralkap camp cu IB-42 battalion an umnak hmun a si i January 20 ah KIA nih an laak i mei in an rak khangh.
Photo: 7Stars News
