October 14, 2022
Magwe ramthen, Gangaw pengkomh, Htilin peng Nitlak lei khua cu a luan cia October 12 ah Council ralhraang pawl nih an luhhnawh i, an chuah lei i an khangh mi inn pawl chung ah khuami pali ruak hmuh an si.
Ralhraang nih an baan hnulei leh in hri in an teem mi hna ruak pali cu YDF nih an hmanthlak he an langhter.
“Nitlak lei khua ah zaan hnih hrawng an riak i nizaan (October 13) ah an kal than. Zinglei an kal pah ah an duah ta. Khuami hna cu; kum 14, kum 17 pahnih le kum 18 pakhat tel in paruk an tlau i, cu chung ah pali ruak hmun an si. Mei nih a kangh dih hna ca ah ho an si fehter awk an tha rih lo. A taang mi pawl hi an thi maw, an zaam maw, tlaih an tong maw ti hngalh an si rih lo,” tiah hmun thianh ah a kal mi YDF-Htilin Tactical Operation Commander Takhin Zaw nih BBC ah a chim.
Atu bantukin Htilin hrawng ah Council ralhraang pawl hmainor in an luhnak hi thla khat deng a si cang. Thla khat chung khuate khua ruk ah inn 42 an duah i khuami raal zaam a thong in an um tiah theih a si.
Source: BBC Burmese
Photo: YDF-Htilin
