Bagu ramthen, Htantapin peng, Zayetkyi khua hrambunh Kha Lah Yah – 73 battalion cu KNLA, PDF tangti phu komh nih June 12 zaan suimilaam 9:00 hrawng ah an kah hna i ralhraang 3 an thi, hliamtuar zong an um tiah tualchung thawnghram in kan theih.
KNLA, Taungngu PDF le Htantapin PDF tangti in Kah Lah Yah – 73 battalion hmun kulh chung ah 40MM voi hnih an kah. Kap hnih kahdohnak minutes 30 hrawng a rau tiah PDF thawnghram in kan theih.
“Ralhraang 6 an thi an ti nain 3 hi cu a fiang. Taungngu ralhraang sii-inn ah nihin zing tuan nawn ah mizaw phorhnak motor pakhat a rak lut. Zayetkyi in a ra mi si,” tiah tualchung thawnghram nih Yangon Khit Thit Media ah a chim.
Minutes 30 hrawng kaphnih kahdohnak a chuah hnu ah ralhraang nih duh poh in suimilaam 2 chung hrawng meithal an kah. KNLA, PDF tangti phu komh in hliam tuar an um lo tiah kan theih.
(Source: Khit Thit Media)
