Hakha Rescue Committee (HRC) nih laitlang ah vanchiatnak in innkangh a tong mi hna chungkhar caah a dihlak tangka sing 30 MMK bawmhnak a tuah hna tiah kan theih.
Cu kong he pehtlai in HRC hruaitu Pu Chan Hrem nih “Tutan ah vanchiatnak in an umnak innkangh a tong mi hna caah bawmhnak kan va tuah hna. Hakha khuathar ah inn thum a kang i, vanchiat a tong mi hna chungkhar khar khat ah tangka sing 5 (500,000) MMK cio bawmhnak kan va pek khawh hna. Cun Falam khuapi chung innkang mi caah tangka sing 10 (1,000,000) MMK bawmhnak kan va pek khawh. Cupin ah Tinam khua innkang mi caah tangka sing 5 (500,000) MMK tiin bawmhnak kan va tuah khawh hna,” tiah The Hakha Post ah a chim.
Kum 2021 January thla chung lawng ah Chin State chung ah inn 14 nih innkangh vanchiatnak an tong cang tiah theih a si. Chaklei laitlang, Falam khuapi ah inn 6, Hakha khualipi ah inn 3, Hakha peng Tinam khua ah inn 1, Thantlang ah inn 1 le thlanglei laitlang ah inn 1 tiin innkanghnak a chuak tiah theih a si.
