Karenni ramkulh, Hpasaung le Bawlakhe um ralhraang hmaisuang sinah riahcaw a va chan i a kir mi ralhraang motor tlar cu KNDF le tangti phukomh nih June 1-2 ah an kah hna i ralhraang tampi an thi; Motor ngan 2, meithal zun 4 le raal hriam thilri cheukhat kan laak tiah KNDF chungtel pakhat sin in kan theih.
Cu ralhraang motor tlar cu KA le KNDF battalion-16 tangti phu nih an kah mi hna a si i ralhraang motor 2 tel in drone kahnak meithal hna le hriamngan kuan, solar phel, meithal zun 4 le kuan bawm, 66 battalion uniform pawl an laak.
“Ralhraang motor 40 cu Htalay khua ah kan kah hna nain aa relrem deuh lo caah hnu kan kir than. A thaizing June 2 ah khua pakhat in kan hngah hna i kan kah hna. Ralhraang lei thi le hliamtuar an tam ca ah vanlawng in bomb an rak thlak. Zaanlei suimilaam 4:00 hrawng ah ralhraang motor tlar i motor 36nak le 38nak hna cu kan lak khawh” tiah KNDF chungtel pakhat nih Yangon Khit Thit Media ah a chim.
Cu kahdohnak ah ralhraang nih vanlawng in bomb an thlak. KNDF tangti phukomh lei hliamtuar pakhat a um tiah kan theih.
Source: Khit Thit Media
