Kachin ram, Hpakant peng, Hwayhkar khuate ah a um i LIB-42 SAC ralkap camp cu nihin January 20, zinglei sml. 7:30 ah KIA le KPDF i bawm in an laak tiah tualchung media nih an tial.
“KIA le KPDF phu komh nih zinglei sml 5:00 ah an va kah i an laak, camp um SAC ralkap le palek an zaam dih” tiah Myitkyina News Journal nih a tial.
SAC ralkap 100 hrawng nih an hngah mi Hwayhkar camp cu KIA le KPDF nih an laak hnu ah Hpakant khua hrambunh SAC ralkap nih miakpi pehtlai in an kah tiah theih a si..
Hwayhkar khua hrambunh LIB-42 SAC ralkap camp cu KIA le KPDF nih Januray 6 in kah hram an rak thawk mi a si i, kahdohnak aa thawk ka te in Hwayhkar khuami hna cu kiangkap khuate ah an zaam dih tiah theih a si.
Photo: Hmanthlak hlun a si.
