Nizaan March 26, zaan sml. 1:00 hrawng ah Hpakanh khua ah thlichia a hraang, ruah a sur i, arti tiatia rial an tlak caah mi cheukhat an i hliam tiah theih a si.
Arti tia a si mi rial nih Suikhor cawhnak vawleivor ah sui a kawl mi mi cheukhat a hliamh hna pin ah inn cheukhat canphio zong a pemh hna.
Tualchungmi pakhat nih, “Sui a kawl mi pawl rial nih a tlak hna i a lu kuai mi zong an um. Rial ngan pipi an si i an tlak ning a hmual zong a faak tuk,” tiah a chim.
Arti tia a si mi rial pawl cu minute 15 chung hrawng pehtlai in an tla. Kum 31 a si mi pa pakhat nih, “A rial a ngan pin ah a tlak ning a hmual a faak tuk. Inncungcih canphio zong nih an celh lo. An pem dih ko,” tiah a chim.
Hpakanh peng ah atu bantuk hin ruah sur, thli hran le rial tlak hi kum tin March thla ah a chuak tawn mi a si, tiah tualchungmi nih an chim.
