November 17 zinglei suimilam 5:00 hrawng, Karen ralkulh, Hpa-an peng ah ralhraang hnuzul BGF pawl hriampi kah mi nih Mikayin khua le Kawphyan khua kar ah facang a tuan lio mi khuami a khen hna; minung pathum an thi i minung pakhat hma a pu tiah khuami nih RFA ah an chim.
“Kahdohnak a um ruang ah a si lo. Hika lei khua zong ah kahnak a um lo bu in an rak puah. Minung pakhat cu Kawphyan khuami a si i minung pahnih cu Mikayin khua in unau an si. A hmun ah an nunnak a liam colh. Khua chung i khuami pawl cu tihnak in an khat. Zeidah a cang than te lai ti kan thei rih lo” tiah a chim.
A thi mi hna cu taangkhat a kai lio mi pakhat, kum 25 a si mi pa pakhat le kum 30 hrawng a si mi pa pakhat an si. Kum 50 tluk a si mi nu pakhat cu a ke ah hma faak a put caah sii an thlop lio a si tiah a chim.
Hriampi an puah mi kong he pehtlai in khuami nih BGF lei in puahmi a si an ti nain RFA nih fehternak a tuah khawh rih lo bantuk in BGF lei zong nih langhter nak zei hmanh a tuah rih lo.
Source: RFA Burmese
Photo credit: KIC (Karen ramkulh, Hpa-an peng Mikayin khua hmun pakhat)
