2019-2020 fimcawn kum ah tanghra a phi nain a sung mi hna caah tiin cozah nih a serpiak mi (high school completion certificate- C.C) siangsangruun limnak certificate cu pek a si i, cu kong he pehtlai in nawlngeitu pakhat Sayama A Ngun Thiang nih a tang lei bantuk in a chim.
“Kanmah nawl in hi C.C hi ho sin zong ah pek khawh a si lo, cunglei in pekmi a si. 2019-2020 fim cawn kum i, a chung in a phi mi hna lawng nih hi C.C cu lak khawh a si. Cu zong ahcun tahfung 7 cozah nih a chiah mi a um, cu a tling mi lawng kha kan pek hna” tiah The Hakha Post ah a chim.
Hi C.C certificate a hmutu hna caah zei bantuk santlaihnak dah a pek hna timi kong ah hitin Sayama A Ngun Thiang nih a chim.
“Tukum ah tanghra a sung ko nain, C.C a ngahtu hna cu tang 11 le tang 12 a um tikah pehnak nawl an ngei. Cun ramdang zong ah College luhnak caah tang 11 le tang 12 va pehnak nawl an ngei lai. Hi C.C hi kan pek cia cang mi hna hi minung 6000 lengkai an si cang,” tiah The Hakha Post ah a chim.
2021 incun College luhnak caah tanghra in si ti loin, tang 12 tiang kai in cacawn a si cang lai tiah kan theih
Photo/ Internet
