Nihin August 2 ah Yangon ramṭhen, Hmawbi peng ah SAC ralkap vanlawng a tlak caah SAC Air Defense Forces in General Soe Tin Latt a thi, tiah theih a si.
A thimi General Soe Tin Latt hi SAC Air Defense Forces ah an bochan ngaimi a si i, atulio Rakhine ramkulh chung i vanlawng raldohnak ah tawhtlaitu bik a si, tiah Myanmar Now nih a ṭial.
Nihin chunhnu ah khan General Soe Tin Latt, ralkap vanlawng mongtu Colonel Myah Thaung le a dang ralkap pahnih cu Hmawbi ralkap vanlawng bual in Helicopter in zuan an i thawh tlawmpal a rauh ah an Helicopter a tlak hi a si.
Helicopter tlaknak ah General Soe Tin Latt le Colonel Myah Thaung an thi i, a dang ralkap pahnih zong hliamhma an pu, tiah theih a si.
