Hakha khua, HBC cerhtual kam ah a um mi mucu inn cu nihin January 12 zinglei ah a kaang, tiah thawng kan theih.
“Nihin zinglei suimilam panga hrawng ah khan a kaang. HBC cerhtual kam ah a ummi thinginn dot hnih kha a si. Meithattu pawl nih an hmih caah a pawng i inn cu a tlai manh lo,” tiah khua mi pakhat nih a chim.
Inn a dot hnihnak ah a ummi mucu sianginn thilri vialte le innhngaktu chungkhar i thilri tam deuh cu mei nih a kangh dih hna. An zuatmi meheh pakhat zong mei nih a kangh chih.
Minung aa hliamkhuai mi an um lo, tiah khuami hna sin in thawngpang kan theih.
