Hakha Zotung Baptist Church nih Chin Ramkulh, Hakha Pengkomh Fimcawnnak Zung Lutlai Sayagyi Pu Vung Bik cu 2021 January 13 ah thlacamnak, conglawmhnak le roca peknak an tuahpiak tiah theih a si
“Pu Vung Bik hi kanmah Zotung mi a si. Hakha Pengkomh Fimcawnnak Zung ah rian a tuannak caan hi a sau ngai. Fimcawnnak Zung i rian a tuannak caan zei mawzat hnu ah atu bantuk in lutlai lei tiang a phak khawh ca ah khuami le peng mi hna nih lawmhpi lo awk a tha lo kan ti i kan lawmhpi hi a si. Hi kan lawmhpinak ah conglawmhnak roca le thlacamnak in caan kan hman pi,” tiah HZBC Secretary Pu Phua Soe nih The Hakha Post ah a chim.
Hakha Zotung Batist Church hi a inn in, inn 20 leeng an si i, a minung in minung 56 an si. Cun, atu Pu Vung Bik hi a hlan Fim cawnnak Zung rian a tuan lio ah let-htouh-hngun-cia-zi hmu a rak tuan bal mi a si tiah kan theih.
