Hakha khuapi chung ummi Zophei Sianghleiruun Phu nih ram caah pumpek in riantuantu hna ca’h tiin Chin National Front (CNF) ah Tangka sing 5,500,000 MMK bawmhnak an pek tiah theih a si.
Hi kong he pehtlai in chungtel pakhat a si mi Democratic Voice of Chin (DVC) editor, Salai James nih “Kan miphun kilvennak caah tiin pumpek in riantuantu hna caah kan ti khawh tawk chuah in bawmhnak pek duh ve a si caah Zophei tlang ummi khuakip cio ah kal in tlawm va suk hna an si. Cutin a chuak mi zat kha CNF camp ah va kal in riantuantu hna nih va pek hna an si,” tiah The Hakha Post ah a chim.
Hakha ummi Zophei Sianghleiruun siahngakchia hna nih miphun ca riantuantu hna caah bawmhnak an pek hi tutan hi a voi khatnak a si tiah theih a si.
James nih “Tutan bawmhnak hi kanmah lei in cuka zawn ah hman ding, hika zawn ah hman ding tiah tlangtlaknak a um lo, nawlngeitu hna kutcung te ah cutin kan hei ap ko i, anmah nih a tha tiah an tinak zawn ah an hman te ko hnga, tiah The Hakha Post ah a chimchap.
