United Chin Christian Fellowship (UCCF) nih sawmnak in Hakha khuachung pastor 30 leng cu Camp Victoria ah workshop tuahnak an ngei tiah kan theih.
Hi workshop tuah nak ah aa tel ve mi CACC Art and Cultural lei ah Secratry a tlai lio mi Rev.Dr. Khar Ling nih “ Hi, cawn nak ah Dr. Lian Hmug Sakhong nih cun Chinram hi zei tin dah kan sersiam lai ti mi kong a chim, Dr.Sui Khar nih cun kan ram him nak ding caah zei tin dah kan run ven lai, kan culture le kan biaknak hi zei tin dah kan runven lai ti mi le Pu Thla Hei Lian nih ram daih nak timi hi zei tin dah kan kalpi lai ti mi pawl hi ni thum chung kan cawng. Zaan ah hin cun biaruah nak a um i kanmah lei zong nih kan hal mi hna an kan leh ve, a donghnak ah a tlangpi in bia kan fun khawh mi cu Nation Building le National security caah ah hin a si. Cun, a pakhatnak ah UCCF nih sawmmi kan si bantuk in UCCF caah hin Hakha um mi khrihfabu kip nih kum khat ah voi khat Sunday hmanpiak ding, a pa hnihnak ah cun peace fund kan ti i ram daih nak caah hin a si, a pathumnak cu CNF/CNA riantuannak caah fund kawlnak pawl hi kan biachahnak cu a si. Hmailei zong ah neihniam tein um u sih law kum khat ah voi khat tonnak um seh ti kha kanmah lei a kal mi le anmah he bia fumnak kan ngeih mi a si” tiah The Hakha Post ah a chim.
United Chin Christian Fellowship hi Camp Victoria ah a um mi khrihfabu a si, UCCF nih sawmmi workshop tuahnak ah hin pastor te lawng si loin Chin Human Right Organization (CHRO) zong an i tel i, CHRO lei nih an caam chung eidin ca ah sia le vok an thah tiah kan theih.
Cun, RUSA in Chin Ramkulh Sipin Minister Pu Soe Htet, MP a tuan lio mi Pu Weih Tin hna le a dangdang zong an tlawng ve hna. Atu hi Falam mino hna sin ah cawnpiaknak an ngeih lio hna a si tiah kan theih.
Hi an kalnak hmun ah CACC lei nih tangka fang in sing 15 le eidin dangdang pawl zong bawmhnak an pek hna. Cun, a dangdang lei zong nih bawmhnak an pek ve hna tiah theih a si.
Photo/ Jimmy Pa Kawi Tial
