Hakha le Thantlang karlak kahdohnak ah hliamhma a pumi SAC ralkap 50 hrawng cu Hakha sizung ah an phan, tiah CNF/CNA chimnak nawlngei Salai Htet Ni nih a chim.
“Bawmh ding in motor pahnih in SAC ralkap pawl an rak ra. Kee in a rami zong an um. Asinain, lampi ah kan kham khawh hna. Anmah lei in aa hliammi an tam ngai lai. Hakha sizung ah hliamhma a pumi 50 dengmang an phan. Sizung ah pahnih zong an thi,” tiah Salai Htet Ni nih Khonumthung ah a chim.
Chinland Cozah ralkap bu hna nih Hakha le Thantlang karlak ah a ummi SAC ralkap khaan pawl cu July 22 in doh hram an thawk i Lungkhar ah a ummi sakhaan pathum cu an laak khawh cang.
Thantlang he a naihnak Auto tlang i SAC ralkap sakhaan laak ding in an tuk cuahmah lio a si i, nizaan July 24 ah SAC ralkap nih miakpi le vanlawng zong in kah a bawmh hna, tiah theih a si.
