Hakha Sii-inn ah siibawipi (Thamadaw) thar Dr. U Win Myint le siibawite minung 14 a thar an phan cang i mizaw aa thlop mi zong an tam khun, tiah tuanvo ngeitu sin in March 20 ah thawng kan theih.
“Tuanvo ngeitu kan pule nih cunglei ah siibawipi an hal mi cu atu hi a phan cang. Zarh hnih hrawng a si cang. Mizaw aa thlop mi zong March 20 tiang ah minung 110 an si. Siibawite (Assistant) a thar minung 14 zong an phan fawn. Mizaw hi a tam-u cu rilfonghlei aa hlai mi le aa khawngdeng mi an tam khun,” tiah Hakha Sii-inn tuanvo ngeitu pakhat nih The Hakha Post ah a chim.
Hakha Sii-inn ah siibawite minung 30 deng an um nain mit siibawi aa thial, a thar a phan rih lo.
Ruh siibawi a um lo. Cun, ENT ti mi hngawngcung siibawi cu nihin tiang an ngei rih lo, tiah kan theih.
