Hakha Sang thar samh timh cuahmah mi ah inn hmun zeimawzat cu hawihlei man faak in tuanvo ngeitu hna nih an zuar i, atu hi cawk khawh a si cang, tiah July 29 ah kan theih.
“Hihi voi dang ah a um bal lo mi a si. Man faak in zuar kan timhnak a ruang hi hmeinu hmeipa zong nih innhmun an tinco ve nakhnga saduhthah a si. Ti le mei, lam tuahpiak an herh lai ca ah cu kan zuar mi man cu kan hman lai. Atu hi a duh mi nih cawk khawh a si cang,” tiah Chin Ramkulh Cozah Lamsuul Minister Pu Sui Thio nih The Hakha Post ah a chim.
Hi Sang thar samh timh mi kong ah Pupa ramngei hna nih duhlonak langhter in lamzawh an timh cuahmah bantuk in Cozah le tuanvo ngeitu nih upadi ning in kan tawlrel thluahmah ve ko lai, tiah an chim ve.
